Өмчлүүлэх газрын хаягийн зураг

НИТХ-ын Тэргүүлэгчид 2014 оны 6 дугаар сарын 26-нд хуралдаж гэр бүлийн хэрэгцээний зориулалтаар иргэнд өмчлүүлэх 52 байршлаас 20 байршил болон зуслангийн батлагдсан ерөнхий төлөвлөгөөний дагуу хийсэн эхний хэсгийн газрын хаягийн зургийг баталсан.

Иргэнд гэр бүлийн хэрэгцээний зориулалтаар нэг удаа үнэгүй өмчлүүлэх газрын хаягийн зураг гэдэг нь УИХ-аас баталсан Хаягжуулалтын тухай хуулийн хуулийн дагуу Засгийн газраас гаргасан журмыг үндэслэн гудамжны нүүрэн талдаа байршлыг тухайн гудамжны баруун зүүн гар талд сондгой, тэгш гэсэн дараалсан хувьсах дугаарлалтын аргаар харъяалах газар зүйн нэршил дотроо дахин давтагдахгүйгээр бичих стандартын дагуу гаргасан зургийг хэлнэ.

Хаягийн зураг гарснаар Таны өмчлөх газар тодорхой хаягтай болж нэгдсэн бүртгэлд орж байгаа юм. Хаягийн зургийг нэгдсэн журмаар Нийслэлийн Ерөнхий төлөвлөгөөний газар гаргана. Тодруулбал,

1. Баянзүрх дүүргийн Хожуулын ам \909 иргэнд\,
2. Сонгинохайрхан дүүргийн 21 дүгээр хорооны Соёндын ам \4189 иргэнд\,
3. Хан-Уул дүүргийн 12, 13 дугаар хороонд байрлах Эрдэнэтолгой \869 иргэнд\,
4. Багануур дүүргийн 4 дүгээр хороо Тариан булгийн 1-р хэсэг \7504 иргэнд\,
5. Багахангай дүүргийн 2 дугаар хороо Бор-Үзүүр \1483 иргэнд\ олгохоор бэлэн болжээ. 


 Баянзүрх дүүргийн Хожуулын ам

Сонгинохайрхан дүүргийн Соёндын ам

Хан-Уул дүүргийн Эрдэнэтолгой

Багануур дүүргийн Тариан булаг

Багахангай дүүргийн Бор-Үзүүр